წყლის დაბინძურების ზოგიერთი ძირითადი წყარო ბოლო წლებში განსაკუთრებით გახშირდა ოკეანეების დაბინძურება ნავთობით-ტანკერების დაღუპვისა და ნავთობის გამონაბოლქვების, ჭაბურღილების ღია ზღვაში განლაგების შედეგად.
ამჟამად ასეთი ჭაბურღილებიდან მოიპოვებენ მიღებული ნავთობის 20%-ს. დაბინძურების ძირითადი ნაწილი მოდის ნავთობის ტრანსპორტირებაზე. ეს იმასთან არის დაკავშირებული, რომ ძირითადი ნავთობ მომპოვებელი რაიონები შორ მანძილებზეა განლაგებული მათი მოხმარებისა და გადამუშავების პუნქტებიდან. ამიტომ აუცილებელია ნავთობის ტრანსპორტირება ოკეანის ტანკერებით. ძირითადად სატრანსპორტო გადაზიდვებს და არა უბედურ შემთხვევებს, თან ახლავს დიდი რაოდენობით ნავთობის დანაკარგები. როგორც წესი, დაკავშირებულია ტანკერების დატვირთასა და გადმოტვირთვასთან.
ზღვებისა და ოკეანეების ნავთობ პროდუქტებით დაბინძურება გამოიხატება წყლის ზედაპირზე თხელი აპკის სახით. ასეთმა აპკებმა შესაძლებელია საკმაოდ ვრცელი ზედაპირი დაფაროს. ასე მაგალითად, თუ 15 ტონა მაზუთი 6-7 დღე-ღამის განმავლობაში დაიღვრება, მაშინ მას დაახლოებით 20 კმ კვადრატი ზედაპირის დაფარვა შეუძლია. ეს მომაკვდინებელ ზემოქმედებას ახდენს ცოცხალ ორგანიზმებზე, რადგან არა ატარებს მზის სხივებს, ხელს უსლის წყლის ჟანგბადით განახლებას, რის შედეგადაც აღარ მრავლდებიან პლაქტონები, რომლებიც ზღვის ბინადართა კვების ძირითადი პროდუქტია.
ზღვისთვის დიდ საფრთხეს წარმოადგენს არომატული ნახშირწყალბადები, პარაფინები ერთგვარ ნარკოტიკად ითვლება ზღვის ბინადართათვის. შეინიშნება რომ ზოგიერთი თევზი ამ ნახშირწყალბადების ჩაყლაპვისას აღარ ცდილობს საშიში ზონის დატოვებას.